好一本雜誌
IdN's metter
----------------------------------------------
最近在電視中看到一個有關創意／藝術與雜誌關係的專題，當中更拈來幾本大家耳熟能詳的雜誌作Case Study。看到各本雜誌的創辦人／總編輯／記者都夠為自己所做的一切作出完滿的理念及目的闡述，你會發覺他們很有資格去對大眾說：大家要睇多幾次，就會明。
不論是以前工作的公司或是新公司，都看到一個比較有趣的現像，就是不太了解自己工作的目的，甚至是書本所走的方向是沒有共識的。當中兩者相同之處，都是Sales權力過大，Sales睇版改板，對於一些只求工作糊口的人來說是理所當然，還會有老行尊的口吻對你說這是生態。事實上，在這個Sales與記者Crossover的關係已不平衡。只是一種傳送指令與執行指令的關係是最舒服最安全的模式，但是一些視覺概念 (甚至是概念)上的問題早已拋諸腦後。
看到IdN、號外、milk的長存，大部份業界人總是將她們「程式化」；用技術來解構她們，並認為自己都識做，從而抹殺對方令自己好過。為何IdN、號外、milk的長存，就連專題節目都會找他們作範例的原因吧。
另一個非常有趣的現象，就是這些被認作代表性的刊物，都不是習慣用女性作封面。這個「女人做封面=好賣」的迷信，其實早已被擊破十世，當中只是有人不去冒險及僵化而衍生的問題。願意面對現實，可是做創作／藝術／出版／公司/做人所必備，當你在開會時發覺老闆總是將理由加諸他人／物身上，也代表著你要早早搵工了。
http://www.rthk.org.hk/rthk/tv/artsunlimited/20030513.html
posted by tusswu at 20:45
3 Comments:
原因好簡單，因為他們不是靠做雜誌賺錢，做雜誌的原因，是令出版本以最少成本進入名流。
講多一個經驗，就係我有一次同 Milk 的記者傾談，知道 Milk 的製作理念，佢老細認為，Milk 係一件 Product ，唔係一本書，所以佢地係建立緊一件 Product 的形象，日後可能唔係一本書。
p.s. G 兄，都叫你去 in 啦，Milk 那邊話你冇搵過佢地。
制度上有編採部、市場部、營業部既分立，本意係各司各職，各有權責，同時間亦互相監察。比方編採部，責任係制訂方針，直接運作經營編務；至於營業部，負責聯絡客戶，籌謀賺錢點子。
部門之間，既要合作，但工作性質亦有互相制衡（監察）的作用。編採部做得唔好，營業部首當其衝；相反營業部做得差，對編採部的影響反而不大。中間負責協調各部門，與及作為最高監察人，就是管理者。
既然如此，只要每部門既負責人，清楚知道自己的權責，理論上可以獨立運作。例如當Sales將某些垃圾產品扔過來要記者寫，其實編採部絕對可以拒絕，但問題係點解無人咁樣做呢？
記得有次開會，我問過現任執編：「我地有無底線？」佢隨即展現一貫熟悉的笑容，答：「無，技術上我地無底線。老實講，做雜誌，客人比錢就要做。」然後佢舉了兩本同類型雜誌為例，解釋此乃行業的生態環境。
Sales干涉編採的確唔應該，但唔代表人地干涉你就要退步，我認為根本係有人無guts無立場無遠見，唔敢出聲。相反，若果我係Sales，見到本書咁唔得，就一定會出聲報告，因為利益尤關，絕對唔可以比佢地搞到本書執笠。
發佈留言
<< Home